Osøren Blues & Jazzfestival

Magne Lunde

admin — Tue, 15 May 2012 14:57:01 +0000

Å vera på konsert med Magne Lunde er å oververa eit slagverkfyrverkeri med høg temperatur og av høg klasse. Sist vi opplevde dette var då han, som første popmusikar i Noreg, fekk Kongens fortenstmedalje i sølv, overrekt i Oseana av ordførar og med inviterte gjester i salen. Magne spelte saman med bandet sitt, som tel Yngve Moe på bass og Mike Gallaher på gitar, begge svært dyktige musikarar, som passar godt til Magne Lunde sin spelestil og låtutvalet hans. Magne Lunde har gjort osing av seg for mange år sidan, sjølv om han er fødd i Bergen. Han har ei merittliste som dei fleste musikarar i sjangeren kan misunna han og har på ingen måte tenkt å leggja ned trommestikkene på mange år enno. I år får vi høyra både Magne Lunde med tingingsverket sitt og bandet MMY, som tel dei to nemnde medmusikararne Moe og Gallaher. Kjenner vi han rett, vil det bli både oppfinnsamt og solid. Det er det iallfall i MMY. Kven som speler med han på tingingsverket, vil kvelden visa, men vi reknar med to fulle hus på Peppes denne fredagskvelden.

Teresa James

admin — Tue, 15 May 2012 14:56:39 +0000

Teresa James har delt scene med ei rekkje artistar gjennom åra. Denne fantastiske songaren kjem opphavleg frå Houston Texas, men bur no i California der ho jobbar med bandet sitt, The Rhythm Tramps. Ho har vore her i landet før, mellom anna på Notodden i 2007 då Delbert McClinton spelte for fulle hus og Teresa James var gjesteartist. Teresa James har gitt ut sju album og planlegg nummer åtte no i vår. Om det kjem til festivalen vår, får vi sjå. Bandet og Teresa har skapt eit lydbilde som er både feitt og funky, ei herleg blanding av soul, Texas-blues, country og rock. Bassist og bandleiar Terry Wilson, gitarist Billy Watts og trommis Brennan Temple turnerer store deler av sommaren med Eric Burdon, som faste musikarar i The New Animals, og saksofonist Jerry Peterson speler på to saksofonar samstundes. Publikum på festivalen får høyra henne og bandet i storsalen i Oseana på laurdag og i Os kyrkje på søndag, då saman med Jerry Peterson. Det kjem til å bli ein konsert utanom det vanlege, skal vi tru alle førehandsmeldingane og det vi har høyrt av henne til no.

ORBO and The Longshots

admin — Tue, 15 May 2012 14:56:21 +0000

Det er ikkje mykje å seia om dette bandet som ikkje har vore sagt før. Det er eit svært solid og godt rock’n rollband som har turnert i inn- og utland dei siste 11 åra og lært handverket sitt frå botnen av. Det kan dei også no, og i 2008 vann dei Spellemannsprisen for albumet «High Roller». Bandet har etter kvart fått eit namn i USA også der dei har spelt saman med store aristar som The Fabulous Thunderbirds, Little Feat og Delbert McClinton, og rundar 1000 konsertar i løpet av året. Siste plata deira, av sju, er «Prairie Sun», oppkalt etter studioet i California der plata er spelt inn med utsøkte gjester som nemnde McClinton og Fats Kaplin, John Jorgensen og Mike Henderson. Plata har hausta svært gode kritikkar med terningkast seks i mange norske aviser og viser eit modnare band enn tidlegare. Bandet speler glimrande, med frontfigur Ole Reinert Berg-Olsen som ein meister på gitar, men også resten av musikarane held høg klasse. Osingane er stolte av dette bandet, med rette. Laurdag kveld står dei på storscenen i Oseana for garantert full sal.

Tone Lise Moberg

admin — Tue, 15 May 2012 14:55:58 +0000

Osingen Tone Lise Moberg er etter kvart ein av dei mest profilerte jazzsongarane på Vestlandet. Den til no einaste plata ho har gjeve ut i eige namn, Looking on, i 2006, fekk mange gode meldingar både lokalt og nasjonalt. Særleg var meldarane imponert over den djupe og avrunda røysta hennar og dei originale versjonane av gamle standardlåtar, i tillegg til gode eigenskrivne, som på ingen måte stod tilbake for dei meir kjende. På festivalen i fjor hadde ho med seg Heine Bugge på trekkspel, Ugo Santagelo, klassisk gitar, Erik Halvorsen, piano, Torbjørn Hillesøy, bass, Audun Humberseth, perkusjon og Tor Bjarne Bjelland, trommer. Om det er dette laget som kjem i år, er enno ikkje klart, men uansett er det med forventning vi ser fram mot å høyra denne gode jazzsongaren i Oselvarnaustet.

Twang Gang

admin — Tue, 15 May 2012 14:55:41 +0000

Vossatrioen Twang Gang er eit funn for rockabilly-fans. Folk som kjenner dei gamle Sun-innspelingane til Elvis og dei andre i hans samtid, jublar over dette bandet, for Twang Gang speler enkel og effektiv amerikansk musikk slik han var på femtitalet. Bandet har dyktige musikarar som kan sjangeren, med ei instrumentering som også er slik dei hadde i gamle dagar: Erlend Styve på gitar og song, Jan Eirik Gullbrå på ståbass og Bjørnar Møen på trommer. Bandet speler stilreint, skapar stemning og appelerer til mest alle som er glade i musikk, uansett om det er blues, jazz eller rockabilly. I år skal dei vera på sjøen med tre cruisekonsertar på MS Midthordland.

Vetrhus Bluesband

admin — Tue, 15 May 2012 14:55:20 +0000

Desse gode oddingane har etter kvart vorte nærast legendariske i bygda. Mest ingen kan greia å skapa slik stemning på bluescruisa våre, og i Fjellheim har dei spelt både vegger og publikum søkk våte. Vetrhus er eit godt band, det er velspelande og har etter kvart fått ein stil som ingen gjer etter dei. Ofte har dei vore her, dei har nærast fanklubb i Os, så det kjem garantert til å bli liv i år også. Det blir på Peppes, for Helge Tverdal på vokal, Daniel Kambestad på munnspel, Kjell Arne Bauge på gitar, Kjetil Huss på bass og Bjørn Moe på trommer skal vera landfaste under festivalen denne gongen.

Festivaljam og matiné

admin — Tue, 15 May 2012 14:54:38 +0000

Blue Note er eit velspelande band. Dei har texasblues som spesialtfelt med standardlåtar av Stevie Ray Vaughn, Vidar Busk og The Paladins i porteføljen, men dei skriv også mange av låtane sine sjølve. Bandet er ikkje berre eit velspelande og etter kvart eit stort band, musikalsk, men dei er alltid villige til å vera der det skjer, å gi ei hand og gjera sitt til at festivalen blir vellukka. Dei tre karane med Steinar Lyssand på gitar i spissen, Timmy Kristiansen på bass og Kjell Arne Haringstad på trommer skal i år ta seg av festivaljamen og matineen på laurdag og fungera som backingband for dei som har lyst til å spela, men manglar band. Og Blue Note Shuffle er eit toppband som kjem til å takla dette med glans i år også.

På matineen kjem også ein kjenning frå Sunnhordland, som har trøkk og energi som varemerke. Det er Hereide & The Bluesgangsters, godt band som tel ein bømling, Simon Sandvik på bass, ein osing, Stig Arne Sund på gitar og Bård Henrik Hereide på slagverk og vokal frå Skånevik. Bandet har imponert publikum mange stader, har ein svært flott CGV med talentpris frå Skånevik og Notodden i 2006, før dei gjekk i studio i 2007. Bandet speler kompetent og suverent og samla fullt hus under vinterbluesen her i bygda i fjor. Musikken er ein miks av den gamle og ekte storbybluesen og moderne funky powerblues. Flott musikk er det iallfall.

Ladyshave Experience har vore på festivalen før, då under eit anna namn. No haustar dei god kritikk frå alle hald, kor enn dei speler. Med dyktige musikarar og ein frontfigur som vil få ein kvar skeptikar til å be om autografen kjem publikum til å få ein konsert ein sjeldan opplever. Ladyshave Experience består av fem karar frå Osterøy med vokalist og frontfigur Geir Mæhle, gitaristane Vegard Henanger og Jan Egon Langhelle, Tore Mæhle på bass og Jan Petter Ågotnes på trommer i eit band som har utvikla seg mykje i løpet av dei to åra som har gått sidan dei var på festivalen i 2010. I år speler dei på matineen saman med Blue Note Shuffle og Herede & The Bluesgangsters.

Osøren Jazzensemble

admin — Tue, 15 May 2012 14:54:10 +0000

Osøren Jazzensemble er sjølvskrivne på festivalen. I år er dei med to gonger, ein om bord på MS Midthordland, naturlegvis, hadde vi nær sagt, men også i Oselvarnaustet, og då med den fabelaktige songaren Tone Linn Mjånes. Tone Linn har etter kvart blitt fast inventar til å ta seg av det vokale når Osøren vil ha song på jobbane sine, i tillegg til at ho har sin eigen karriere. Ho er dyktig og passar utmerkt også til dette repertoaret. Bandet speler tradjazz slik tradjazz skal spelast og held høgt nivå i alle ledd. Karane er snart like gamle som musikken dei byr på, og er alle gamle kjenningar av jazzinteresserte osingar. I mange år no har dei vore utan utskifting med Harald Lekven på banjo, Geirmund Sandven på trombone, Geir Mildestveit på klarinett, Ole ASmund Gjersvik på bass, Are Ovesen på trompet og Stein Inge Brækhus på trommer.

Billy Gibson med Buckshot Hunters

admin — Tue, 15 May 2012 14:53:47 +0000

Billy Gibson er ein stjernemusikar frå USA som har spelt med JT Lauritsen i fleire år, når det passar slik. Gibson er frå Clinton, Mississippi og begynte med munnspel som svært ung gut for snart førti år sidan. Men det gjekk ikkje mange år før han hoppa på ein Greyhound-buss og drog til Memphis, slik mange andre sørstatsgutar med blues i blodet gjorde. Han fekk snart eit rykte fr å vera ein av dei beste bluesmunnspelarane i landet og fekk ei rekkje høgthengjande prisar både lokalt, regionalt og nasjonalt. Gibson spelte ikkje berre blues, han gav ut ei kritikarrost plate med jazzlåtar tidleg på nittitalet. Saman med JT Lauritsen gjorde Gibson også fantastiske innspelingar med bandet hans, som verkeleg kunne spela internasjonal rootsmusikk. Denne kvelden skal Billy Gibson få heile storsalen i Oseana til å gynga med i rytmane sine. Ver der.

Washamba

admin — Tue, 15 May 2012 14:53:29 +0000

Ingen som var til stades i fojeren på Oseana i fjor under festivalen kan gløyma dette bandet. Make til rytme, speleglede og medrivande musikk skal du søkja lenge etter. Bandet, med osingen Bjørn Blomberg i spissen, fekk den solide bygningen til nærast å rista. Dei gode musikarane drog opp musikkk inspirert av afrikansk og kubansk tradisjon og publikum hadde vanskeleg for å halda seg i ro, men måtte ut på golvet og svingja på kroppen. Låtane er komponerte av saksofonist Bjørn Blomberg og passar både for dei som vil lytta og dei som vil dansa. Så om du ikkje føler for å rista til dette fyrverkeriet, kan du sitja og nyta vibrasjonane i kroppen din. For dei kjem, det garanterer vi.

I fjor var det tre osingar med i rekkja, i tillegg til Blomberg: Hallvard Lyssand på trompet, Arne Hernes på bass og Aasmund Brekke på piano. Men bandet talde også store musikarar utanfrå som stjerneperkusjonisten brasilianaren Celio de Carvalho, tanzanianaren Filipo Njaidi på perkusjon og vokal og den gode gitaristen Arve Ulvik og trommis Audun Rolex Humberset. Kven av desse som kjem i år, får vi sjå. Vi skreiv i fjor at det kom til å bli ein rytmefest. Det kjem det til å bli i år også, uansett kven som stiller opp i rekkja. I år tar dei steget inn i storsalen på Oseana.

Jolly Jumper & Big Moe

admin — Tue, 15 May 2012 14:53:09 +0000

Dette er ei toppduo, og det er ikkje for ingenting at Osøren Blues og Jazzfestival har hyrt dei inn år etter år. Få kan skapa stemning som dei, få har eit så sterkt grep om ospublikumet og få kan levera musikk av så høg klasse som desse to karane. Jolly Jumper, eller Kjell Inge Brovoll som han heiter, er ein av kongerikets beste bluesmunnspelarar, ein svært dyktig låtskrivar og ein av dei få vokalistane her i landet som kan tolka den spesielle stilen som kjem frå sjølvaste Mississippi-deltaet.

Big Moe, eller Jan Erik Moe, ligg ikkje etter makkeren. Han er også ein racer på munnspel og speler elles alt som har strengar. Dei to gledesspreiarane har turnert mest heile verda rundt og fått spela med om lag alt som tel av personlegdomar og toppfolk innanfor bluessjangeren. No er dei sjølve i toppeliten og har gitt ut fire kritikarroste album. Under festivalen i år skal dei naturlegvis spela om bord på MS Midthordland, men også under Blueslunsj på Peppes. Vi veit dei liker dette formatet og det gjer publikum også.

Eric «Slim» Zahl & the South West Swingers

admin — Tue, 15 May 2012 14:52:52 +0000

Dette er 50-talsmusikk av høg klasse. Bandet har sett si ære i å føra vidare dei gode tradisjonane frå denne tida med eit heilt spesielt rocka uttrykk. Bandet har vore her før, og alle som har høyrt dei, veit at bandet leverer høg kvalitet. På repertoaret står eigne versjonar av låtar av Teddy Morgan, Brian Setzer, Candye Kane og Vidare Busk, naturlegvis. Dei har aldri gjort skam på låtane heller, det vitnar både heimlege og utanlandske stemmer om, t.d. Kim Wilson frå The Fabulous Thunderbirds. Bandmedlemmene har lang fartstid frå ei rekkje andre norske band også og kan faget sitt til fingerspissane. Dei er Eric «Slim»Zahl på vokal og gitar, Øystein «Boogieman» Undem på tangentar, Roald Brekke på bass og vokal og Atle H. Strøm på trommer og vokal.Du høyrer dei på Peppes på fredag.

JW Jones

admin — Tue, 15 May 2012 14:52:25 +0000

JW Jones er ein av Kanadas største bluesstjerner og har etter kvart også fått eit namn i Europa. Han har ein tett og samspelt trio der alle medlemmene er multiinstrumentalistar. JW starta karrieren sin som trommis, og han tar gjerne ei økt bak trommene undervegs i konserten, sjølv om det er gitarist han er. Han bruker elles trommestikke som slide på gitaren, og dei tre bandmedlemmene gjer kunststykket å byta plassar midtvegs i ein låt utan å koma ut av grooven. Dette garanterer vi blir eit høgdepunkt under festivalen i år. Tre konsertar skal dei ha, ein av dei om bord på MS Midthordland.

J.T.Lauritsen & The Buckshot Hunters

admin — Tue, 15 May 2012 14:51:56 +0000

Å høyra på BB.King, Charles Brown og Ray Charles nærast tvang J.T.Lauritsen å spela Hammondorgel allereie som seksåring og berre 14 år gammal var han profesjonell. Seinare blei det trekkspel, eit lite brukt instrument i blueshistoria, reint bortsett frå Clifton Chenier, og endå seinare tok han av litt ekstra og ble munnspelar. Han samla bandet The Buckshot Blues Band i 1989 og kom med den første plata si, Buckshot Hunters i 1995. Han vekte oppsikt på den kresne norske bluesscena og gav ut My Kind of Blues fire år seinare.

I 2008 kom munnspelvirtuosen Billy Gibson med i bandet, ein legendarisk musikar med ei rekkje prisar i lomma, mellom andre Insrumentalist of the Year i 2009.Saman gav dei ut den oppsiktsvekkjande Live from 2009 med eit kjempelag i bakrekkja der gitarist Arnfinn Torrisen, keyboardist Iver Olav Erstad, bassist Atle Rakvaag og trommis Big John Grimsby gjer det hele til ei storselskap saman med gjestevokalist Stina Stenerud. Under festivalen skal JT Lauritsen spela på Peppes og med Billy Gibson i Oseana storsal.

Nå starter billettsalget!

ingunn — Sun, 13 May 2012 20:52:24 +0000

Mandag 14. mai kl 1800-1900 er Galleri Oz åpent for medlemmer i Osøren Blues & Jazzfestival. Å få mulighet til å kjøpe festivalbilletter før andre, er en av fordelene medlemmene i OBJF har. I år har vi begrensninger i antall billetter på vår hovedscene, Peppes. Har du tenkt å være med når det smeller i gang fredag 29. juni, må du være tidlig ute.

Galleri Oz vil selge et svært begrenset antall dagspass, både til fredag og lørdag. Ved kjøp av et dagspass får du foruten tilgang til mye god musikk, også forkjøpsrett til cruisebilletter til det ettertraktede fredagscruiset fra Bergen til Os. Her gjelder prinsippet «først til møllen».

Dagen etter, dvs. tirsdag 15. mai, åpnes det offisielle billettsalget både på Billettservice og Galleri Oz. Onsdag 16. mai om kvelden, legges også billettene ut for salg på Peppes, Os. Åpningstider Galleri Oz er tirsdag – lørdag kl 1100-1500, Peppes har åpent fra kl 1100 – 2300 alle dager.

Så gode festivalgjest, nå er det bare «løp og kjøp»! Husk at dagspass kun selges på Galleri Oz.

Tore Lekve

Frigaard på Peppes 27.04.12

ingunn — Tue, 01 May 2012 19:19:06 +0000

Fredag 27. april var det igjen klart for blueskveld på Peppes, Os. Denne dagen fikk vi besøk av Frigaard, som og var første band ut da vi startet samarbeidet med Peppes i 2010.

Vi startet kvelden med gjennomgang av programmet for årets blues- og jazzfestival 28. juni til 1. juli, et program vi er veldig fornøyd med. Her er det en fin blanding av lokale, nasjonale og internasjonale artister (se Program 2012).

Det var tydelig at Frigaard gledet seg til denne kvelden. Det tok nesten helt av fra start. Frigaard sjøl styrte showet med ”rå” makt og flørtet med publikum fra første låt. Å se ham og bandet hans utstråle en slik spilleglede smittet over på de 120 publikummerne (fullt hus). Det var mange som lot seg imponere av intensiteten og energien til Frigaard, han var høyt og lavt i lokalet. Innimellom slo han seg ned blant gjestene og showet, dette ble det satt stor pris på. Frigaard lokket også gitaristen Reino opp på bordet, der han gjorde heftige riff og soloer. Reino la like godt fra seg gitaren på bordet og gjorde riff på gitarhalsen, til publikums trampeklapp. Sæverud hadde en fantastisk solo på bassgitaren.

Foto: Tore Lekve

Frigaard band fremstår som særdeles samspilte og trygge. Det var en stor opplevelse for de som fant vegen til Peppes, vi hadde det utrolig hyggelig. Frigaard vil ikke bli å høre på festivalen til sommeren, men samarbeid til neste år er allerede diskutert.

Vi i styret i OBJF takker band, publikum og personale ved Peppes for en flott kveld. Neste blueskveld blir 25. mai, da med Eric ”Slim” Zahl & The South West Swingers fra Stavanger. De har gjestet Osøren flere ganger og ønsker seg tilbake. Vi håper da på godt vær og utescene på Peppes. Velkommen!

Blueskveld og programslepp

ingunn — Wed, 25 Apr 2012 07:01:55 +0000

Vår gamle kjenning Terje Frigaard m/ band (Reino Småland, Peter H. Sæverud og Jan Petter Ågotnes) kjem til Peppes 27. april. Dei speler råtøff blues, både sjølvlaga materiale og coverlåtar av mellom anna The Fabulous Thunderbirds og ZZ Top. Frigaard får garantert opp stemninga på Peppes fredag.

Denne kvelden slepp vi òg programmet for festivalen, som i år bli helga 28. juni til 1. juli. Ønskjer du dagspass til festivalen, kan du tinga dette her. Vel møtt!

Stinn brakke på Peppes

ingunn — Mon, 02 Apr 2012 06:08:41 +0000

”Blue Note Shuffle” har virkelig befestet sin plass som bluesband i Os. Etter ca. 20 forhåndssolgte billetter kl 1900, var det nærmest utsolgt kl 2100. – Vi har ikke opplevd makan, sier Tore Lekve, som har vært på de fleste blueskveldene på Peppes de siste årene. Selv om verken vi i OBJF eller Peppes ønsker å avvise kunder/publikum, måtte vi det på fredag.

Det var dessverre noen som måtte gå skuffet fra Peppes, og ikke få med seg en kanonkonsert. Vi tipser derfor om å kjøpe billetter på forhånd eller komme tidligere neste gang. Tore vil samtidig gi ros til alle som var på Peppes på fredag. Det var eksemplarisk oppførsel på alle og et serviceinnstilt personale.

Som ved alle tidligere konserter leverte Blue Note Shuffle igjen på øverste hylle. Publikum var med fra første gitarriff. Det var stående ovasjoner og trampeklapp flere ganger. Spillegleden fra alle i bandet var stor og smilene satt løst. Gitarist Steinar Lyssand gikk hadde sine vandringer gjennom lokalet til alles glede. Det var mye skryt og klapp på skulderen.

Neste blueskveld er fredag 27. april

Om været tillater det, vil det da bli utescene på Peppes. På den måten kan vi åpne dørene og bruke plassen ved Peppes som den skal, med utepils og bluesmusikk. Fredag 27. er det selveste Frigaard som besøker Osøren Blues & Jazzfestival og Peppes. Frigaard er et fyrverkeri av en musiker, mer energisk enn de fleste av oss. Vær tidlig ute med billettkjøpet. Det er veldig gledelig at osingene setter pris på disse kveldene. Det inspirerer til å fortsette med disse kveldene høsten igjen. Ses på Peppes…

Gratulerer Magne!

Osøren Blues & Jazzfestival ønsker å gratulere Magne Lunde så mye med tildeling av Kongen fortjenstmedalje i sølv. Magne har ved flere anledninger spilt på våre blueskvelder på Peppes sammen med MMY, Magne, Mike og Yngve. Det nærmer seg også festivaltid. Osøren har et spenstig program klart, så følg med på nettsiden vår.

Ny festivaslsjef i Osøren Blues og Jazzfestival

Gunnar Nagell Dahl — Sat, 04 Feb 2012 15:39:18 +0000

Ny festivalsjef i OBJF

Ny styresamansetjing i OBJF

På styremøte i OBJF 2. februar vart det bestemt å utsetje årsmøtet til ultimo oktober 2012, dette grunna stort arbeidspress (i den eigenlege jobben) hjå mange av styremedlemmene.

Planlegginga av årets festival er i godt gjenge, og styret kan lova publikum eit godt program med gode og spanande artistar. Sjølv om ambisjonsnivået, når det gjeld ”store” artistar er tatt noko ned, har styret i Osøren tatt signala om å ha eit folkeleg program i sentrum av Os.

Festivalen i 2011 gjekk med underskot, men dei andre aktivitetane vi har hatt i løpet av året har sikra festivalen samla, eit lite overskot. Til dømes arrangementa på Peppes og romjulsbluesen.

Festivalleiar Gunnar Nagell Dahl har valt å trekkje seg som leiar av OBJF, men vil fortsetje i styret fram til årsmøtet til hausten. Styret arbeider no med å komplimentere styret med nye medlemmer, dei som ynskjer å ta eit tak, kan melde si interesse til eit av styremelemmene.

Tore Lekve tek over som festivalsjef fram til årsmøtet. Tore har vore arrangementsjef i OBJF i fleire år og gjer ein framifrå innsats med artistbookingen samt opplegget rundt festivalen, så vi er trygge på at dette er i beste hender, saman med resten av styret.

Vi håper at osingar og andre vil støtte opp om festivalen også i år, vi skal gjere vårt beste i å få ei festivalhelg fullt på høgde med tidligare år, siste helga i juni.

Eg vi samstundes nytte høvet til å takke alle som har bidrege gjennom mange år, både som friviljug og økonomisk bidragsytar, dette har alt å seie for å gjennomføre eit slikt stort arrangement kvart år.

Med helsing

Gunnar Nagell Dahl
tidl. festivalsjef

Vinter- og vårblues 2012

ingunn — Mon, 16 Jan 2012 07:25:15 +0000

I samarbeid med Peppes arrangerer Osøren Blues & Jazzfestival vinter- og vårblues på Peppes dei siste fredagane i kvar månad. Vi er på plass frå kl 2000, men musikken startar kl 2130. Først ut er Blues@Stake fredag 27. januar – velkommen!